Tsy laharam-pahamehana sy tsy maika ho an’ireo tompon’andraikitra isan-tokony tokoa angamba ny hamindrana ny toeram-piantsonana ho an’ny Zotra E “KOLOINA” etsy Tsiazotafo, noho izy ireo tsy mampiasa ny fiara iombonana.
Toy izao ny zavamisy eny an-toerana. Ny faritra misy ny fiantsonan’ny Zotra E “Koloina” mampitohy an’Ambohimangakely amin’ ny Renivohitra dia fitoeran’ny dabapakon’ny Kaominina Antananarivo Renivohitra. Mampihena ny haben’ny arabe ampiasain’ny fiarakodia ihany koa ny fisian’ireo mpilahatra miandry fiara iombonana. Vokany, ahiana amin’ny lozam-piarakodia ny ain’ireo mampiasa ny Zotra E “Koloina” Efa tafiditra anatin’ny fotoam-pahavaratra koa Isika eto Madagasikara ankehitriny ; rehefa danihan’ny masoandro sy tsomahan’ny orana ireo fako anatin’ilay daba-pako dia mamoaka fofona maimbo sy mavoroka ahiana hiteraka tsy fahasalamana ho an’ireo mampiasa ity toeram-piantsonana tsy manaraka ny fenitra sy tsy manaja ny Zon’Okombelona ity ny fametrahana azy etsy Tsiazotafo.
Mitaky hatrany ny famerenana ny toeram-piantsonan’ny zotra E ho etsy ambany tetezan’ny Behoririka ny mponin’Ambohimangakely. Ny irariana mba tsy ho antso an’efitra ny talaho sy fiangavian’izy ireo. Fotoanan’ny’ny fanovana ho amin’ny tsara kokoa ihany koa izao. Inona no andrasana tsy hamindrana ity toeram-piantsonana mampijaly ny mampiasa azy ity e ? Miandry fa Gasy tokoa ve ? Aza hitako !
