Vokatry ny fisian’ny valan’aretina coronavirus dia tsy mitsaha-mitotongana ny vidin’ny voly fanondrana amin’izao fotoana izao. Raha ny any Nosy be fotsiny dia mahatratra hatrany amin’ny 70% ny fihenan’ny vidin’ny Ylang Ylang sy ny lavanila. Miditra fatiantoka avokoa ny mpivarotra sy ny mpamokatra ary ny mpandraharaha. Raha tsiahivana dia ny 25%n’ny famokarana Ylang Ylang maneratany dia avy eto Madagasikara avokoa. Raha 5 000 Ariary ny kilao teo aloha dia tafidina hatrany amin’ny 1 000 Ariary izany amin’izao fotoana izao. Mahakasika ny lavanila dia mahatratra 200 000 ariary ny kilao eo amin’ny tsena iraisam-pirenena kenefa tafidina 60 000 Ariary izany ankehitriny. Vokatr’izany dia hihena be ny vola ampidirin’ny vokatra fanondrana ka miandry ny paikady sy ny fanampiana avy amin’ny fanjakana ireo mpisehatra rehetra.
