Lehilahy 65 taona indray no namoy ny ainy androany noho ny tsimokaretina coronavirus. Miakatra ho 15 izany ny isan’ireo lavon’ity aretina ity.
44 kosa ny isan’ny tranga vaovao araka ny fitiliana 622 nataon’ireo laboratoara 3. Araka izany, miisa 1 640 ny voa hatrizay.
37 ireo sitrana androany, ka 13 tany Taolagnaro, 11 Toamasina, 10 Antananarivo, …692 izany ireo sitrana hatrizay.
934 kosa ireo mbola tsaboana ka 8 amin’izy ireo no manana fahasemporana.
Mitontaly 18 741 ny isan’ny fitiliana natao hatrizay.
Aza mifamangy
Mbola ato anatin’ny ady tanteraka isika raha ity valanaretina ity no asian-teny. Maro, noho izany, ireo olona mifamezivzey eny amin’ny toeram-pitsaboana sy hopitaly samihafa eny. Ankoatra ny marary dia eo ny mpitsabo isan-tokony. Noho izany, tsy tokony helingelen’ny olon-kafa, toy ny havan’ny marary eny amin’ireny toerana ireny.
Mora mifindra tokoa manko ny valanaretina ka tsy tokony hielingelina eny amin’ny hopitaly ny mpamangy. Aoka izay manan-draharaha ihany no ho eny.
