Raha toa ka nangina ny fiakarana an-tsehatra ho an’ireo mpiangaly ny mozika rap teto an-tanàna. Ho ambohipihaonan’ireo mpanakanto Zokiny nivoy sy mivoy ary mbola hivoy ny rap sy ireo Mpankafy, ny etsy amin’ny sehatra maitso Analamahitsy, ny tolakandron’ny Alahady 28 jolay ho avy izao.
Nomarihan’i Slam jah, izay mpiketrika ny fampisehoana fa tafiditra anatin’ny fankalazana ny tsingerin-taona faha-50 nahaterahan’ny lehilahy ny hetsika. Tanjona ny ahafahana mampivondrona indray ireo mpikirakira sy mpankafy ny mozika rap eto Dago ary ny hitondrana ainga sy aina vao indray ho an’ity mozika mpitondra hafatry ny fiarahamonina ity. I Slam jah, izay efa tany amin’ny taona 1991 no tapa-kevitra ny hilalao sy hiditra lalina anatin’ny filalaovana ny mozika rap sy ny sehatry ny fandihizana ary mbol atsy mitshatra ny mpitrandraka izany mandraka ankehitriny.
Anisan’ireo hanafana ny sehatra eny Analamahitsy ry Takodah & Ngah be, Big tovolah, Budah el taga, Psykôpasy, Gunman, Rootsikalo, Mista & Bôska, Big Jimdah, Mc Tiganagar, Slim Jim jah (zanak’i Slam jah), Degga mtse, Mito, Doublenn, Be good’n, Ice to, Imtc ary ny Sekoltora ireto farany izay hivondronan’ireo ankizy tsy misy mpiahy manan-talenta amin’ny filalaovana ny mozika rap. Hikosoka ny kapila ny Dj raynth- H.Man. Inoana ary antenaina fa ho fanoitra hitarika ho any amin’ny fampivelarana ny fankafizana indray ny « mozika rap vita malagasy » ny hetsika tahaka izao. Ho tanteraka tokoa anie ilay hoe : Savasavaiko Lalina dia Ataoko Mandrakizay « Slam » anarana hisaloran-dRahovarimanga Fanjaniasy, « Slam jah » anatin’ny fikirakirana ny mozika rap. Irariana ny hisian’ny fifanakalozana tsy ankiato eo amin’ireo zandry mahalmeo mahalasa eo amin’ny rap sy ireo zokibe tsy atoro voanjo hadiana. Raha tanteraka izany azo antoka ny hoavin’ny mzoika rap eto dago.
