10 miliara ar isanisany no hatolotra ireo governora manerana ny Faritra 23, ka ny 4 miliara ar dia natokana ho amin’ny famokarana ary ny 1 miliara ho amin’ny fampandehanan-draharaha. Izany no anisan’ny tetibolam-panjakana ho laniana amin’ny taona 2020 ho avy iny.
Toekarena
Hisy ny fanomezan-danja sy fanomezam-bola azo avy amin’ny fitantanana ireo harena an-kibon’ny tany sy an-dranomasina ary ny vokatra ara-pambolena.
Tohizana ny fitantanana ny fananam-panjakana ary arahi-maso ny fitantanana ny raharaham-panjakana. Hofanina mba ho matihanina, araka izany, ireo sampan-draharaha mpamory hetra ary hatsaraina ny politika momba izany hetra izany.
Hampiroboroboina ny e-gouvernance, ahazoana manatsara ny fangaraharana sy hanamora ny fikirakirana ireo antotan-taratasim-panjakana.
Sosialy
Hapetraka ny foibem-pitantanana ara-tsosialy. Ny governemanta koa dia mihevitra ny hametraka ny rejisitra nomerikam-pirenena momba ny sora-piankohonana hanatsarana ny fiandraiketana an-tsoratra ireo fiankohonana sy ny fametrahana ireo antontan’isa momba ny fahavelomana. Ilaina, noho izany, ny fampiasana solosaina eo amin’ny fitantanana ny kara-panondrom-pirenena.
Eo ihany koa ny fanomezana andraikitra ireo manam-pahefana eny ifotony, toy ny vondrom-bahoakam-paritra itsinjaram-pahefana sy ny sampan-draharaha ara-teknika amin’ny fanapariaham-pahefana.
Eo amin’ny sehatry ny Fitsarana dia ampitomboina ireo foto-drafitrasa eny amin’ny fonja mba ho tsara ambina sy manaraka ny lalàna ireny toerana ireny.
Hatsaraina ny fitantanan-draharaham-panjakana ka alavirina ireo fomba tsy nahitam-bokatra, toy ny kitranoantrano, ny kolikoly, ny fampiasana tsy ara-dalàna ny fahefana, izay manao tsinontsinona ny tombontsoa iraisana.
Hakarina ny harinkarena faobe
Ny politika ankapoben’ny fanjakana dia nametraka tanjona ny amin’ny fampitomboana ny harinkarena faobe ho 5,5% ary 15 % ny tahan-ketra amin’ny 2020. Ho 7% kosa no hiheverana ho fisondrotry ny harinkarena faobe amin’ny 2023.
Ny fifehezana ny fisondrotry ny vidim-piainana sy famerana ireo fatiantoka amin’ny tetibola dia manodidina ny 3% amin’ny taona 2020.
Misy ny fepetra
Fepetra miisa 15, araka izany, no natolotra ho fandaharan’asa sy lalàna hifehy ny fitantanam-bola mba hisian’ny vokatra mahomby.
Anisan’izany ny fanajana ireo foto-kevitry ny fanjakana tsara tantana sy tàn-dalàna, ny fiarovana ny vahoaka sy ny fananany, ny fiarovana ny fananan-tany, ny fitantanana feno ny morontsiraka sy fari-dranomasina, ny fanatsarana ny fidiram-bola sy ny fiainana andavanandron’ny mponina, ny fampiroboroboana ny foto-drafitrasa fototra ara-tsosialy, toy ny fanabeazana sy ny fahasalamana, ny fidiovana, ny lalana, ny fanabeazana fototra sy ny fahasalamana fototra. Eo koa ny fampihenana ny tsy fitovian-tsaranga, ny tan-tsoroka ho fananganana orinasa,…
Pour mieux vous servir, l’AMP travaillera dans le respect de tout un chacun, dans la réalité des actualités et de ce qui nous entoure. L’objectivité sera notre mot d’ordre.
