FAMPANDROSOANA AN’AMBOHIMANGAKELY : Vonona handray andraikitra ny Tanora

Mangetaheta fandrosoana anatin’ny fotoana fohy ny mponin’Ambohimangakely, anatin’ireo fokontany miisa valo ambinifolo mandrafitra ny Kaominina eny an-toerana. Nitady toko ka sendra vato izahay, hoy, izy ireo nahita an’i Tiavina Ratsimandresy, izay tanora efa tsy zovina intsony amin’ny mponina eny an-toerana ny fandraisana andraikitra nananany tamin’ny alalan’ny endrika fanampiana ireo mpiara-belona aminy. Ampahany tamin’ireny ny fanolorana « Cours » maimaim-poana ho an’ireo mpiadina hiatrika ny fanadinam-panjakana Bakalorea ao Ambohimangakely, nandritra ny roa taona misesy izay. Nisy ihany koa ny fikarakarana ireo lalao ara-panatanjahatena teo amin’ny taranja baolina kitra. Natao izany, hoy, i Tiavina Ratsimandresy, mba hahafahana manamafy orina ny firaisankina eo amin’ireo samy tanora ary koa hisorohana ny fidonananam-poana mety hitarika hatrany amin’ny fidorohana sy fiankinan-doha amin’ireo zavamahadomelina tsy mahasoa. Nisandrahaka hatrany amin’ny fanampiana amin’ny endrika marolafy ireo fikambanana maro mijoro eo anivon’ny Fiangonana ny sehatrasa nataon’ny tovolahy. Ny hampandroso ny rehetra tsy asiana fanavahana rahateo no tanjona ho an’i Tiavina Ratsimandresy.

Raha tsiahivina, efa mpikatroka teo anivon’ny antoko Tiako i Madagasikara i Tiavina Ratsimandresy, nanomboka, ny taona 2013. Efa nisahana ny toeran’ny maha Sekretera jeneralin’ny tanora Tiako i Madagasikara tao Avaradrano ihany koa ny tovolahy. Endrika tsy atoro fa hita hatrany i Tiavina Ratsimandresy nandritra ny fanatanterahana ny « Hetsika fotsy «  Ankehitriny izy no anisan’ireo filoha lefitra eo anivon’ny Com TIM Ambohimangakely. Nandray anjara mavitrika tamin’ny fampandaniana ny solombavambahoakan’Avaradrano Avotra Andriamosa izay lany tamin’ny anaran’ny Firaisankina Avaradrano i Tiavina Ratsimandresy. Mahafantatra tsara ireo olana sy ny vahaolana sahaza an’Ambohimangakely i Tiavina Ratsimandresy noho izy lehibe teny an-toerana. Nandalina ny taranja sosiolojia ary manana fahaizana manokana amin’ny haitarika ity farany. Naneho ny fahavononany feno ho amin’ny fampandrosoana an’Ambohimangakely i Tiavina Ratsimandresy amin’ny alalan’ny fampivelarany hatrany ireo tetikasam-pampandrosoana efa natombony. Tsy hadinony ny hanatsarana hatrany ny fandraisan’anjaran’ny Olom-pirenena tsy ankanavaka ho amin’ny fampandrosoana ny firenena. Singanina amin’ireny ny fanentanana nataony ireo mponin’Ambohimangakely ombieny ombieny ho amin’ny fandraisana anjara mavitrika amin’ireo fifidianana isan’ambaratongany.

Vous aimerez aussi