Ny Komity Miaro ny Tolona na ny KMT dia nanambara fa rehefa nanao ny tsy mety ny tsimatimanota dia tokony henjehin’ny fitsarana. Tsy tokony havela handositra any ampitan-dranomasina ireo fanetriben’ny tany noho izany. Tsy natao ho fialokalofan’ny olon-dratsy ny KMT. Ny KMT dia vonona ny hiara-hisalahy ny amin’izay mety ho fandraisana ireo soso-kevitra rehetra entina hanatsarana ny amin’izay fiarovana ny tolona izay. Vonona ny hanolo-tanana ny amin’izay fitarainan’ireo olona maro samihafa ihany koa ny KMT. Miantso izay rehetra vonona ny hiaro ny tolona ny KMT ka hanatevin-daharana izany. Tanjona ny hanohy ny tolona efa natomboka, araka ny fanazavana voaray. Tonga nanatitra taratasy teny amin’ny minisiteran’ny Atitany ny Mpitarika ny Komity Miaro ny Tolona mba hampijoroana ara-dalàna ny fikambanana.
