ONG NYFMO NY FANAHY MAHA-OLONA : Hanolo-tanana ireo vonona handrafitra ny Tohivakan-toekarena eto Madagasikara

Manoloana ny olana ateraky ny tsy fisian’ny asa eo amin’ny Tanora Malagasy manerana ny Nosy indrindra fa ireo Tanora Manam-pahaizana nahavita fianarana dia nitondra vahaolana momba izany ny filohan’ny “ONG NYFMO NY FANAHY MAHA-OLONA”, Rafalimanana Ny Rado. Vahaolana nentin’ity mpandraharaha malagasy ity ny nanamafy haingana ny famatsiam-bola “Bilateral” ho an’ilay tetikasa lehibe izay naoriny antsoina hoe: “PlanMarshall” izay nampitondrainy ny anarana hoe: “Plan NyRado for Madagascar” na ny tetikasa “Cooperativa Business Madagascar”. Tanjona ny hanolo-tanana ireo rehetra izay vonona handraharaha mba handrafetana ny Tohivakan-toekarena eto Madagasikara. Fanambin’ny “ONG NYFMO NY FANAHY MAHA-OLONA”, ny mba ho fiarahan’ny samy Malagasy ho tafita ao anaty firaisan-tsaina . Hitondra ny anjara biriky “Fanavaozana” eo amin’ny Tanora malagasy araka izany ny “ONG NYFMO NY FANAHY MAHA-OLONA”. Fanavaozana izay hanovana tanteraka ny fomba fijery. Ny sabotsy 22 Novambra 2025 no nihaona mivantana tamin’ireo rehetra vonona ho amin’izany teny amin’ny Hotel Panorama Andrainarivo ny “ONG NYFMO NY FANAHY MAHA-OLONA” mba hanatanterahana ny “Cooperativa Agribusiness”, araka ny fanazavana voaray.

Vous aimerez aussi