Afaka miatrika asa avy hatrany ireo tanora mpianatra avy ao amin’ny Oniversite tsy miankina ISPM Antsobolo, aorian’ny fandrantoana fahaizana amam-pahalalana norantovin’izy ireo. Efa vita sedra tamin’ny alalan’ny fananganana tetikasa mifanaraka amin’ny fianarana norantoviny mantsy izy ireo fony mbola tany an-tsekoly…
Mbola malalaka tanteraka ankehitriny ny sehatrasa mahakasika ny “Paramédicaux” raha ny eto Madagasikara manokana no resahana indrindra fa eny amin’ireny Sampan-draharaham-panjakana ireny. Mbola tsy mahasahana ny isan’ireo mpiasan’ny fahasalamana amperinasa amin’izao fotoana izao ny filàna misy eto amintsika.
Tontosa soa aman-tsara, teny Antsahamanitra, ny alahady 31 Aaogositra 2025, ny « Revy Njila 100% », izay nanasongadinana ilay fampisehoana goavana niarahana tamin’i Njila. Fampisehoana goavana izay nampiarahany feo tamin’i Poopy sy i Mahery. Naharitra ora telo teo ho eo ny fampisehoana izay nezahana nivazoina ireo hira nahafantarana an’i Njila hatramin’izay ka hatramin’izao…
Mihamahazo vahana, maneran-tany, amin’izao fotoana izao, ny fampiasana ny “Intelligence Artificielle” na ny “IA” indrindra fa eo amin’ny fiainana andavanandro. Mihamatanjaka hatrany ihany koa ny fampiasana azy io eo amin’ny sehatry ny fanabeazana indrindra fa any amin’ireo Sekoly Ambony sy ny Oniversite tsy miankina sy miankina amin’ny fanjakana.
Maro ireo mpino nandray fanabeazana ara-panahy tamin’ny nanatontosan’ny Trano Fivavahana Vahao ny Oloko, ny kongresy lehibe, fanaon’izy ireo isan-taona, teny amin’ny Temple ByPass. Tamin’ity taona ity dia nanomboka ny alatsinainy 25 aogositra 2025 ka nifarana ny zoma 29 aogositra 2025 izany.
Anisan’ireo mandray anjara amin’ilay “Salon de l’Etudiant et de l’emploi” izay tanterahana eny amin’ny kianja Barea Mahamasina, ny 26 ka hatramin’ny 28 aogositra 2025, ny Sekoly Ambony tsy miankina mampiofana ho Tantsambo “Cefomar”. Ny fiofanana ho Tantsambo izay mbola tsy mahaliana loatra ny Malagasy ankehitriny raha oharina amin’ny any ivelany.
Ny “Salon des Étudiants et de l’emploi” andiany fahavalo no nosokafana tamin’ny fomba ofisialy teny amin’ny kianja Barea Mahamasina, ny 26 aogositra 2025. Ity hetsika izay hifarana ny 28 aogositra 2025 dia natao indrindra hanampiana ireo tanora mpianatra vao afaka fanadinana bakalorea farany teo eo amin’ny fitadiavana Sekoly Ambony sy Oniversite hanohizany ny fianarana.
Ny “Foire Internationale de l’Agriculture, de l’Élevage et de la Pêche” (FIA) dia hetsika lehibe eto Madagasikara izay mampivondrona ireo mpisehatra amin’ny sehatry ny fambolena, fiompiana ary jono, mba hampiroboroboana ny fanavaozana, ny fifaneraserana ary ny fampandrosoana ireo sehatra ireo. Ny andiany faha-7 amin’ny FIA dia hatao ny 4 ka hatramin’ny 7 septambra 2025 ao amin’ny “Centre de Conférence Internationale” (CCI) Ivato.
Nandrombaka ny andiany 2025 ny “Prix Pierre Castel” tamin’ireo kandida maherin’ny 300 isa izay nifaninana ny “Techni-drones Madagascar”. Izy izay anisan’ireo orinasa niisa 6 nosafidian’ny mpitsara avy eto an-toerana mba hamelabelatra sy hizara misimisy kokoa mikasika ny tetik’asany.