Ho fararanon-gadon-kira maroloko ary ho ambohipihaonan’ireo tsiron-tsakafo mafilotra ny etsy, amin’ny Espace Vohimasina, Ambohibao Ambohijanahary – Domaine Manerinerina, ny alin’ny 31 desambra hoavy izao. Mpanakanto roa ngezalahy sy matihanina amin’ny sehatry ny mozika ahitana an’i Tirike sy i Samoela no nofidian’ny HM Restaurant sy ny Espace Vohimasina, hanafana ny sehatra ho fanomezana fahafaham-po ny rehetra amin’ny maha fetim-pianakaviana ny alin’ny 31 desambra.
Ankoatry ny fiarahana amin’i Tirike sy i Samöela hifandimby eny an-tsehatra dia haneho ny talentany amin’ny fanafanana ny lanonana ihany koa ny Orkestra « Fy Mozik ». Ireto farany izay efa manana traikefa sy haizatra matanjaka eo amin’ny sehatry ny fanafanana sy fanentanana lanonam-pianakaviana amin’ny alalan’ny hira sy ny mozika ary ny dihy. Tsy ny sofina ihany no hahazo fahafinaretana fa hanana ny anjarany ihany koa ny kibo amin’ny fihinanana ireo sakafo matsiro sy ara-pahasalamana karakarain’ny HM Restaurant sy ny Espace Vohimasina. Izy ireo izay samy efa matihanina amin’ny fiangaliana ny « Haify » Ny vazo mitenin-dRasam sy ny tsapiky manjofon’i Tirike hiampy ireo hira tsy afaka am-bavan’ny maro (Vahiny sy Malagasy) ho velomin’ny Orkestra Fy mozik, araka izany, no ho jifain’ireo hiara-hilanona, etsy Ambohibao Ambohijanahary, ny alin’ny 31 Desambra hoavy izao. Hiavaka, araka izany, ny fiarahana eny an-toerana ary ho feno ny fahafinaretana.
