Nosoniavina tao amin’ny Etamazaoron’ny tafika tetsy Andohalo ny fifanarahana ho famerenana indray ny fampianarana teknika eo anivon’ny Sekolin’ny Miaramilam-Pirenena na SEMIPI. Tonga teny an-toerana ny Tale Jeneralin’ny Ministeran’ny Fampianarana sy ny Fanofanana arak’asa ary natrehan’ireo manamam-boninahitra maro ity fifanaovan-tsonia ity. Nanambara ny teo anivon’ny Ministeran’ny fampianarana fa efa nisy hatrany ny ezaka natao niarahana tamin’ny ministeran’ny fiarovam-pirenena. Anisan’izany hoy izy ny fampidirana sy famerenana an-tsekoly ireo dahalo niova fo. Amin’izao fotoana izao kosa dia tsara indray ny famerenana ny fampianarana tekinika izay efa nijanona nanomboka ny taona 1985 nohon’ny antony ara-politika tamin’ny fotoan’androny. Hisitraka izany ny SEMIPI any amin’ny LTP Beravina Fianarantsoaary mbola ezahina hanenika ny firenena manontolo mihitsy ny fampianarana teknika mba tsy ho voatery hanovo fahalalana any ivelany intsony ireo miaramila mpianatra amin’io lafiny io. Natao ihany koa izany ho fanavaozana ny eo anivon’ny tafika mba hitombo sy hiitatra ny fahalalana fa tsy hionona fotsiny amin’ny fampianarana ankapobeny tahaka ny mahazatra hatramin’izay.
