Catégorie : Samihafa

Akory ny hagagan’ny maro raha nahita ny fanevam-pirenena (Sainam-pirenena) Malagasy sy Frantsay niara-nifanosona tamin’ny tahon-tsaina iray. Rehefa tafakatra hatrany amin’ny tendron’ilay fitoeran’ny fanevam-pirenena izy roa ireto dia indro fa nitambatra ho iray. Nandritra ilay lanonana nitokanana foto-drafitrasa ara-panatanjahatena ho an’ny sekolim-panjakana teny Avaradrano no niseho ity tranga nahavalalanina ity.

Kianja azo hilalaovana taranjam-panatanjahatena marolafy toy ny baolina kitra, basket-ball, hand ball ary volley-ball izay vokatry ny fiaraha-miasa teo amin’ny Lycée Français de Tananarive ary ny Jeunes solidaires sy ireo Mpandraharaha sy Mpampianatra ary ireo Ray aman-drenin’ny Mpianatra eo anivon’ny CEG SOAMANANDRARINY no notokanana ny Alakamisy 13 Novambra.

Ny Komity Miaro ny Tolona na ny KMT dia nanambara fa rehefa nanao ny tsy mety ny tsimatimanota dia tokony henjehin’ny fitsarana. Tsy tokony havela handositra any ampitan-dranomasina ireo fanetriben’ny tany noho izany. Tsy natao ho fialokalofan’ny olon-dratsy ny KMT.

Lany ho filohan’ny Fikambanan’ny Ben’ny tanàna manerana ny Nosy ny Ben’ny tanànan’ny Kaominina Ampitatafika, distrikan’Atsimondrano, Faritra Analamanga, Ramparaoelina Rado. Notontosaina ny alarobia 12 novambra 2025, teny Mahamasina, ny fifidianana nandritry ny fihaonam-ben’ny Ben’ny tanàna rehetra manerana ny Nosy.

Ny andiany fahavalo tamin’ny dinika an-databatra boribory ara-toekarena teo amin’ny fitondram-panjakana sy ny mpiara-miombon’antoka ara-bola sy ara-tekinika ary ireo mpandraharaha amin’ny sehatra tsy miankina no hetsika notontosaina, teny Ambodivona, ny talata 11 novambra 2025.

Fanamby apetraky ny CNaPS ny hampiakatra ny vola fisotroan-dronono sy ny volan-jaza raisin’ireo mpikambana ao aminy. Na izany aza anefa dia miankina amin’ny fanefan’ireo mpikambana ao aminy ny latsakemboka isam-bolana izany vina apetraka izany. Tanjon’ny CNaPS ny hampitombo ny tahiry ara-bolan’ny CNaPS, araka ny fanazavan’ny tale jeneralin’ny Tahirim-Pirenena momba ny Fiahina Sosialy na ny CNaPS, Rahaingonjatovo Vimbina.

Ny fitokanana ny tohodrano tany Ankiheniheny izay hitondra voka-tsoa ho an’ny mponina maherin’ny 23 000 isa ao amin’ny Kaominina Tsiafajavona no hetsika notontosain’ny orinasa STAR, ny 07 novambra 2025. Nasehon’ity orinasa ity tamin’ny alalan’ireo asa natao ho an’ny fanabeazana sy ny fambolena ary ny fanehoana firaisankina amin’ny mponina araka izany fa mifameno tsara ny fivoarana ara-toekarena sy ny fampandrosoana lovain-jafy.

Amin’ny alalan’ny Tetikasa FPMMF-Fpmmf Gasikara no nanatontosana ny fanohanana ny Fampandrosoana Maharitra eny Anosy Avaratra sy Ambohibao Avaratra izay eto amin’ny faritra Analamanga. Fampandrosoana maharitra izay niarahan’ny mpiara-miombon’antoka vahiny dia ny fikambanana FPMMF avy any Frantsa sy ny “Crédit Coopératif” ary ny Fpmmf-Gasikara. Nampifandray ny fanabeazana sy ny sakafo ary ny angovo maharitra ny Tetikasa FPMMF-Fpmmf Gasikara.

Nitondra fanazavana mahakasika ny olana ao amin’ny orinasa JIRAMA, ny Solombavam-bahoakan’ny Distrikan’Ikalamavony, Rakotoniaina Pety. Nambarany fa tsy voatery ny tale jeneralin’ny orinasa JIRAMA izay karamaina volabe ihany no sakana amin’izao olana eo anivon’ny orinasa JIRAMA izao fa mety ho avy amin’ireo mpiasa ihany koa.

Distrika iray anisan’ireo betsaka biby fiompy omby ny any Antanimora Atsimo. Ny omby izay tsy maintsy tsindronina vaksiny amin’ny vidiny Ar 2.000 isaky ny enim-bolana. Tsy zakan’ny mponina any an-toerana anefa ankehitriny io vidin’ny tsindrona vaksiny Ar 2. 000 io ka mangataka ny hampidinana izany ho Ar 1.000, ny Solombavam-bahoaka voafidy tany amin’ity Distrikan’Antanimora Atsimo ity, Baba Tea Longo.