Ny sabotsy ho avy izao no ho fantatra ny sary famantarana sy ny hira faneva ho amin’ny faha-40 taonan’ny Fiombonan’ny Fiangonana Kristiana eto Madagasikara (na ny FFKM).
Amin’io fotoana io no dingana famaranana hamantarana izany, izay hatao etsy amin’ny kolejy Masindahy Misely Amparibe, manomboka amin’ny 4 ora tolakandro.
Asaina, araka izany, ny olon’ny FFKM tsy an-kanavaka, satria anisan’ny hitsara izany ny mpijery. Hitsara izany koa anefa ireo filoham-piangonana 4 mirahalahy.
Hirain’ny tompony mandritra izany avokoa ireo hira 10 voafantina ho amin’izao famaranana izao ary alefa amin’ny « ecran » lehibe kosa ireo sary famantarana voafantina miisa 18.
Efa nisy ireo matihanina nanao ny safidy tamin’ireo fanehoan-talenta ireo, saingy ilaina dia ilaina ny hevitry ny mpino maro, ahazoana mandahatra ny laharan’ny hakanton’ireo talenta ireo.
Noho izany, nataon’ny komitin’ny faha-40 taona ho zava-dehibe ny fanasana ny maro mba handray anjara amin’izao famoahana ny hira faneva sy ny sary famantarana izao.
Pour mieux vous servir, l’AMP travaillera dans le respect de tout un chacun, dans la réalité des actualités et de ce qui nous entoure. L’objectivité sera notre mot d’ordre.
